Teelram voorbereiding vir paarseisoen
Hoe lyk ’n ram wat gereed is vir paarseisoen?
- Kies ’n aanpasbare en prestasiegetoetste ram
- Moet in uitstekende kondisie wees (3.5 – 4 KP)
- Vrugbaar en dekbehendig
- Hoë libido Topfiks om ooie meermale in hittesiklus te dek
- Groot skrotumomtrek vir maksimale spermproduksie – verseker hoë besetting en hoë fekunditeit (meerling geboortes)
Hoe bereik ons die bogenoemde uitkomste?
Voeding:
- Ontwikkeling van spermselle neem ongeveer 2 maande. Proewe toon dat die regte prikkelvoeding vir ’n periode van 2 maande die spermproduksie kan verdubbel.
- Om testesgroei en spermproduksie te bevorder – ’n voorvereiste vir hoë lampersentasie – moet teelramme ekstra energie en veral ’n hoë vlak van deurvloeiproteïn gevoer word.
- ’n Hoë deurvloeiproteïnrantsoen het ook ’n hoër en meer intense seksdrang tot gevolg.
- Begin 2 maande voor paarseisoen prikkelvoeding soos ORV Ramkorrel voorsien. Om goeie kondisie teen paring te kry word 0.5 – 2% van liggaamsmassa voorgestel. Sorg altyd dat ramme voldoende vreetspasie het sodat almal gelyktydig kan vreet (+/-60cm per ram).
Oefening:
Met aanvangs van byvoeding moet geforseerde oefening van ramme begin – laat ramme 30min, 2 keer daagliks vinnig stap – verkieslik 1 tot 2 kilometer per dag.
Dosering:
Verbeter saadkwaliteit deur ramme 8 weke voor paarseisoen 2 keer per week met koringkiemolie (+/-25ml/ram) te doseer.
Bron: https://www.orv.co.za/a5/algemene-artikels/teelram-voorbereiding-vir-paarseisoen.html
